|
Ketina başûrê Kurdistanê a Hunermen Dîno û
Aydin tevî muzisyenên bi wan ji aliyê rayedarên başûrê Kurdistanê ve hate
astengkirin. Hunermend li Balafirgeha Hewlêrê li rasta heqaretê hatin û paş
de hatin zivîrandin.
Hunermendên kurd Dîno û Aydin ji bo rêzekonsêran û ziyareta gel ku xwestin
biçin başûrê Kurdistanê li balafirgehê hatin astengkirin. Hunermendên kurd
roja 31’ê Adarê li balafirgeha Hewlêrê paş de hatin zîvirandin. Hunermend li
balafirgehê li rasta heqaretê hatin.
Akademiya Çand û Hunera Kurdi, Organizasyona Mîr Produksiyonê derbarê mijarê
de daxuyaniyeke nivîskî weşand û helwesta rayedarên başûrê Kurdistanê
şermezar kirin. Di daxuyaniyê de têkildarî bûyerê wiha hate gotin; “ Di
balefirgeha Hewlêrê de ji aliyê berpirsiyarên balefirgehê ve bi rengekî
derveyî ehlaqî û hiqûqî hunermend Dîno û Aydin paşde hatine vegerandin. Hem
mafê wan yê mirovahî hatiye binpêkirin û hem jî gera wan ya bi sedema
xizmeta yekitiya netewî û azadiya gelê me hatiye binpêkirin.”
Li rasta haqaretê hatin
Hate ragihandin ku sedema astengiya
derbasbûna hunermendan a ji bo başûrê Kurdistanê ne hatiye aşkere kirin.
Hate ragihandin ku rayedarên balafirqaneya Hewlêrê bi rengekî tund bi ser
hûnermendan de çûne û heqaret li wan û muzîsyenên bi wan re hatiye kirin. Di
daxuyaniya Akademiya Çanda û Hunera Kurd û Mîr Produksyonê de nerazîbûna li
hember helwesta qedexekar û heqaretên li hunermendan hatine kirin wiha hate
nîşandan: “Di pêvajoyek ewha de em vê helwesta berpirsiyarên balefirgehê
nêzîkbûnek xeter û qirêj dibînin. Di pêvajoyeke ku dewleta tirk Neçîrvan
Berzanî dawetî Turkiyê dike de nîşandana vê helwestê me zêdetir dixe nava
fikaran.”
‘Divê hikûmeta başûr daxuyaniyê bide’
Di daxuyaniyê de bang li rayedarên hikûmeta
başûrê Kurdistanê hate kirin ku derbarê mijarê de daxuyaniyê bidin û rewşê
zelal bikin. Di dawiya daxuyaniyê de wiha hate gotin: “Sedem çi dibe bila
bibe, li ser axa welatê me astenkirina tu kurdî û hunermendî em exlaqî
nabînin û vê helwestê em şermezar dikin. Bila gelê me bizanibe ku helwest û
kirinên li hember hunermed Dîno, Aydin û muzîsyenên li gel wan, ji dijminê
kurdan re pêde ji tu tiştî re xizmetê nake.”
NAVENDA NÛÇEYAN
|
